Pingstchoral

"Un as dei Jüngers nu tausamen gungen,

Keem Gottes Geist mit Brusen up her run,

Sei spröken as mit wunnerbore Tungen,

Un jedermann sin´ Sprak dorut verstunn..."

Nu jucht de Wald mit  s i n e  dusend Stimmen,

De Frühlingswind weigt dörch de Büsch  s i n  Leed,

Wur selig summen in  e h r  Sprak dei Immen!

Un äwer´t Water flustert lies dat Reet.

Dei Vägel singen, jeder  s i n e  Wiesen,

Dei Lewark  a n n e r s  as dei Nachtigal,

Un doch, sei  a l l e  lawen, danken, priesen

Den Hergott un sin´ Leiw mit luden Schall.

In dusendfältig Tungen deit erklingen

Von Gottes hillgen Geist de Weltchoral.

Uk in dat Minschenhart dit selig Singen!

Denn Pingsten, Pingsten is ´t jo äwerall!

(Gedicht: O. Wobbe / Postkarte: Wilhelm Zemsch, Stralsund)